O próximo luns 13 de febreiro, as 20:45 h., terá lugar no Centro cultural do Porriño o Seminario "2012 Tes Razón: Razóns para o Optimismo", a través do cal analizarase a situación financeira e económica actual dende un punto de vista positivo e proactivo.

Dito evento e organizado por Banco Mediolanum, en colaboración co Concello do Porriño e ACIPOR, e contará coa testemuña do profesor Antón Costas, catedrático de Política Económica da Universidade de Barcelona, que aportará a súa visión experta.

Entre os temas a abordar incluirase a oportunidade profesional de traballo existente en dita empresa como Asesor Financeiro - Consultor de Banca Persoal.