As primeiras quedas serán do 17 ao 25 de xuño, e do 26 de xuño ao 4 de xullo. E está previsto que os cursos continúen en setembro ata principios de novembro. Os horarios serán de 9:30 a 13:50, para os cursos da mañá, e de 16:00 a 20:20, para os cursos de tarde. 

Aberto o prazo de inscrición

As prazas son limitadas e a inscrición pode facerse contactando directamente con Porremprego, ben presencialmente, chamando ao teléfono 986 33 82 17 ou enviando un correo electrónico a orientacion@porremprego.org, ou directamente no formulario do Curso de Ofimática e Capacitación Dixital. 

“Convidamos á cidadanía a aproveitar esta oportunidade de formación gratuíta, na que poder adquirir as competencias dixitais básicas tan necesarias para a vida cotiá e para o emprego das novas tecnoloxías”, declara Rosario Costas, concelleira de Emprego e Formación. O curso está financiado cos fondos Next Generation da Unión Europea a través do Ministerio de Política Territorial e Memoria Democrática e no marco de Plan de Recuperación, Transformación e Resiliencia. Terá lugar nas instalacións de Porremprego no Centro Multicentro de Torneiros.