OBXECTO: Establecer en centros públicos a realización de dúas convocatorias de probas libres para a obtención de títulos de formación profesional actualmente extinguidos dos establecidos ao abeiro da Lei orgánica 1/1990, de 3 de outubro, da ordenación xeral do sistema educativo, co fin de lle permitir finalizar os estudos e lograr a titulación ao alumnado que cursase as ensinazas dos devanditos títulos na Comunidade Autónoma de Galicia.
A primeira convocatoria realizarase no mes de setembro, antes das actividades lectivas e a segunda convocatoria realizarase no mes de xuño, coincidindo co remate das actividades lectivas
LUGAR E PRAZO DE PRESENTACIÓN DE SOLICITUDES: As solicitudes de inscrición para participar nas probas libres obxeto desta orde presentaranse nas secretarías dos centros públicos que ofreceran as correspondentes ensinanzas no momento da súa extinción e irán dirixidas ao seu director ou directora, de acordo co seguinte:
a) As persoas aspirantes que cursaran o ciclo formativo nun centro público deberán presentar necesariamente a solicitude no mesmo centro en que estiveran matriculadas..
b) No caso de alumnado procedente de centros privados, deberase presentar a solicitude nalgún dos centros públicos a que se fai referencia anteriormente.

Establécense dous prazos de presentación de solicitudes, en función das convocatorias previstas:
a) Para primeira convocatoria. do 10 ao 20 de xullo de 2013.
b) Para segunda convocatoria: do 10 ao 20 de maio de 2014.