Aberto o prazo ata o 25 de xaneiro para inscribirse na convocatoria de bolsas de práctica laboral para titulados universitarios en centros e servizos dependentes da deputación provincial e en concellos da provincia.

Convocánse 74 bolsas de práctica laboral na Deputación de Pontevedra e servizos dependentes e 195 bolsas de práctica laboral en concellos da provincia destinadas a mozos/as titulados universitarios, sen experiencia laboral previa e non ter cumpridos os 31 anos de idade, coa finalidade de promover e completar a súa formación en áreas de coñecemento ou actividade que poidan facilitar a súa incorporación ao mercado laboral.

Máis información na Deputación de Pontevedra ou na oficina de Porremprego.